Екипата на Еибар е лидер во шпанската Примера откако синоќа во последниот натпревар од 1.коло ја оствари и најубедливата победа во оваа рунда совладувајќи ја Гранада на гости со 3:1. Воедно на овој натпревар беа постигнати и најмногу голови (4) во стартното коло.
Еибар во првиот дел водеше со головите на Адриан (22 минута) и на Ескаланте (35). Домашните намалија преку Рочина (50), но шест минути подоцна добија и црвен картон (Руиз), па Еибар преку Аруабарена (67) дојде до победата од 3:1. Покрај победата гостите натпреварот го завршија со шест жолти картони.
На другите дуели од 1.коло беа постигнати следниве резултати: Бетис – Виљареал 1:1, Леванте – Селта 1:2, Хихон – Реал Мадрид 0:0, Атлетик Билбао – Барселона 0:1, Рајо Ваљекано – Валенсија 0:0, Атлетико Мадрид – Лас Палмас 1:0, Еспањол – Хетафе 1:0, Депортиво – Реал Сосиедад 0:0 и Малага – Севиља 0:0.