Македонската пливачка Анастасија Богдановски уште еднаш за десетина дена успева да исплива резултат во рамките на Б нормата за Олимписките игри во Рио. Таа денеска на ФИНА Светскиот куп во Москва во дисциплината 200 метри слободно имаше време 2:02.33 минути (нормата е 2:03.13) и го освои 17.место во конкуренција на 26 пливачки. Најдобро време во оваа дисциплина имаше Мелани Маргалис од САД 1:59.31 минута.
Во дисциплината 50 метри слободно Богдановски исплива време 26.47 секунди и беше за 13 стотинки послабо од македонскиот рекорд (нејзина сопственост). Таа го освои 15.место во конкуренција на 25 пливачки. Прва беше Отесен од Данска со време 25.01 секунди.
Марко Блажевски пливаше во трката на 200 метри градно и го освои 19.место во конкуренција на 28 пливачи. Тој имаше време 2:18.81 минути, додека најдобро време постигна Американецот Финк 2:11.34.
Блажевски попладнево ќе плива и во трката на 400 метри мешано.