Од ЈУ Зоолошка градина Скопје информраат дека е добра здравствената состојба на мајмунчето Лука кое вчера околу 17.00-17.30 часот било отргнато од своето живеалиште од страна на двајца посетители.
Лука е повторно вратен Зоолошката и е заедно со своето помало братче.
Мајмунчето е пронајдено по заслуга на совесни посетители кои биле очевидци на настанот и кои помогнале со брзо пријавување на случајот во Министерството за внатрешни работи. Како што соопштија од МВР, околу 21 часот вчера биле приведени лицата кои го украле Лука. Станува збор за кавадарчаните С.Н и И.П.А. на возраст од 31 и 26 години.
Тие го извлекле Лука од неговото живеалиште преку исечен отвор на мрежата. Лука е мајмунче од видот пацијан, старо 1,5 години. Кавадарчаните потоа ја прекокнале јужната заклучена капија од објектот и се упатиле кон паркингот, а потоа со возило во правец кон Велес.