Колумбиската Влада постигна денеска историска спогодба со левичарските герилци ФАРК (Револуционерните вооружени сили на Колумбија) за деескалација на повеќегодишниот вооружен судир, соопштија допломатите во Хавана.
Ова претставува важен чекор во мировните преговори меѓу двете страни, кои почнаа во ноемри 2012 година, но се отежнати изминатите месеци поради пораст на насилството.
– Националната Влада на 20 јули ќе покрене процес за деескалација на воените акции, како одговор на прекин на офанзивните акции на ФАРК, се наведува во заедничкото соопштение на кубанските и норвешките дипломато, кои посредуваат во разговорите.
ФАРК на 8 јули потврди дека ќе го почитува едномесечниот едностран прекин на огнот. Куба и Норвешка дејствуваат како земји кои гарантираат во мировните преговори, додека Чиле и Венецуела се придружни држави во процесот.
Колумбиските граѓански судири траат од 1964 година, а во нив учествуваат левичарската герила, десничарските паравоени сили и нарко бандите. Убиени се повеќе од 220 илјади луѓе.