На 20 јуни пред зградата на македонскиот конзулат во Торонто се собра група од 30-тина македонски иселеници, организирани преку фејсбук, со цел да изразат протест против политичката криза во Македонија и целосната партизираност на државата.
До македонската влада и до поголемите политички партии беше испратено и писмо во кое што се побара:
– Почитување на Уставот на Република Македонија;
– Обезбедување основни слободи и права на граѓаните;
– Поделба на државната власт на законодавна, извршна и судска;
– Слободни медиуми и независна МРТВ;
– Почитување на политичкиот плурализам.
За излез од сегашната криза поддршка им се даде на заложбите за формирање привремена, транзициона влада која што ќе подготви и ќе организира слободни и демократски избори, се вели во писмото.