Во пожар изминатата ноќ во дом за стари лица во централна Кина, 38 лица загинаа, а шест се повредени, јави Синхуа.
Пожарот се случил во градот Пингдингшан, во провинцијата Хенан, додаде Синхуа, повикувајќи се на локалните власти.
Две повредени лица се во болница во критична состојба.
Пожарите и индустриските несреќи во Кина се чести поради непочитување на безбедносните стандарди.