Грчкиот министер за надворешни работи Никос Коѕиас изјави дека американскиот државен секретар Џон Кери му рекол оти САД би биле подготвени да направат контра понуда на онаа на руски „Газпром“ за инвестирање во гасовод во Грција.
Коѕиас, кој моментално е во посета на САД, ова го изјавил во интервју за Асошиејтед Прес, а го пренесе грчката државна агенција АНА МПА.
Грчкиот дипломат информирал дека Кери му рекол оти „САД ќе бидат подготвени да направат контра понуда“ и оти специјалниот претставник на Стејт департментот за меѓународни енергетски прашања, Амос Хоштејн ќе ја посети Атина во следните неколку дена со цел да разговара на оваа тема.
– „Газпром“ ни даде многу добра понуда, истакнал Коѕиас кој додал дека разговорите со рускиот енергетски гигант биле економски, а не политички.