Известувачот на Европскиот парламент за Косово, Урлике Луначек, уште еднаш побарала од петте земји членки на ЕУ, кои го немаат признаено Косово тоа да го сторат што побрзо и да не го блокираат косовскиот пат кон ЕУ.
Австриската пратеничка оценила дека Косово по седум години и понатаму се чувствува дека не е добјредојдено во Европската заедница.
Луначек апелирала до властите на Косово да сторат многу повеќе во еконоскиот развој и подобрување на социјалните услови за подобар живот на граѓаните со цел да се намали бројот на емигрантите кон западно евопските земји и да е забрза решавањето на прашањето со визната либерализација.
– Визната либерализација е многу значајна за граѓаните на Косово кои се чувствуваат како затвореници и изолирани, изјавила Луначек.
Инаку, во Приштина комесарот на ЕУ за миграции, внатрешни работи и државјанство Димитрис Аврамопулос по средбите со косовскиот држвен врв изјави дека не е далеку денот кога Косово ќе добие визна либерализација за своите граѓани.
Аврамопулос изјавил дека очекува косовските институции да ја продолжат беспрекорната борба против корупцијата и да направат темелни реформи за да може Косово што поскоро да добие визна либерализација.