Доскорешниот шеф на разузнавачката служба на Јужна Кореја, Вон Сеи Хун денеска е осуден на три години затвор поради активно учество во кампањата во претседателските избори оддржани пред три години.
Судот во Сеул го прогласи разузнавачот за виновен затоа што дозволил и организирал недозволена онлајн кампања на Агенцијата за разузнавање за поддршка на сегашната претседателка Парк, која со мала предност го победи кандидатот на опозицијата.
Во септември минатата година понизок суд во Сеул, со образложение дека нема доволно директни докази за ангажирање во изборната кампања, го осуди Вон Сеи Хун на две и пол години условен затвор.