САД: Во Украина има руски војници, кои имаат командни функции

Од:

Американскиот постојан претставник во НАТО, Даглас Лут изјави денеска дека во источна Украина има руски војници, кои заземаат командни функции и истовремено ракуваат со воената опрема.

Според него сепак во блиска иднина не се очекува нова руска воена интервенција во соседната земја.

Оценката на Лут е во спротивност со тврдењата на украинскиот претседател Петро Порошенко од минатиот месец дека Русија испратила девет илјади војници како помош на сепаратистите во источниот дел на земјата.

– Уште во август се гледаше зајакнување на директната руска интервенција во форма на руски воени единици. Можеше да се видат руски баталјони, кои дејствувааt усогласено во Украина, изјави Лут на прес-конференција пред утрешната средба на министрите за одбрана на земјите-членки на Алијансата.

– Немаме сознанија за план за директна интервенција на руските единици, додаде тој.

Според Лут сепак соработниците на руското разузнавање и војници со и без униформи дејствуваат во југоисточна Украина од почетокот на вооружениот бунт пред околу девет месеци, извршувајќи претежнo командни и контролни функции.

– Тие имаат нешто како паралелна командна структура, во сенка на командната структура на сепаратистите за да го контролираа тоа што се случува на теренот, посочи Лут.

Би можело да ве интересира

Загина еден од најдобрите украински пилоти

Буданов: Ситуацијата во регионот Харков станува критична за вооружените сили на Уркаина

„Сандеј тајмс“: Камерон побарал од Доналд Трамп да го поддржи нацрт-законот за помош на Украина

(ВИДЕО) Шефовите на американската и украинската дипломатија јаделе пица во ресторан во Киев

Франција ќе достави дополнителна воена помош за Украина

Британски министер за одбрана: Лондон му дозволи на Киев да го нападне Крим со нашето оружје