Украинската војска изгуби контрола врз клучен украински град

Од:

Украинската војска призна дека проруските сепаратисти презеле контрола врз украинскиот град Вуглегорск.

Портпаролот на украинските сили Владислав Селезњов рече дека сепаратистите, поддржани од тенкови, го нападнале градот денеска и не успеале да ги потиснат.

Губењето на контролата врз градот ќе и отежне на владата да ја задржи контролата врз Дебалцово, близок железнички центар, кој е на средина меѓи градовите Доњецк и Лугањск, контролирани од проруските сепаратисти.

Во исто време, адвокат на украинската пратеничка и пилот Надја Савченко, која објави штрајк со глад, за да протестира против апсењето во Русија, изјави дека таа е хоспитализирана. Савченко изгубила 12 килограми откако го објави штрајкот, додаде нејзиниот адвокат.

Триесет и тригодишната Савченко, која е пилот во украинската армија, е обвинета за убиство со предумисла на двајцата руски новинари во источниот дел на земјата во средината на јуни, каде таа се бореше како доброволец.

Таа беше уапсена од страна на Русија и поради тоа стана популарна во Украина, каде беше избрана за пратеник на парламентарните избори во октомври, и покрај тоа што е во притвор во Русија.

Би можело да ве интересира

Загина еден од најдобрите украински пилоти

Буданов: Ситуацијата во регионот Харков станува критична за вооружените сили на Уркаина

„Сандеј тајмс“: Камерон побарал од Доналд Трамп да го поддржи нацрт-законот за помош на Украина

(ВИДЕО) Шефовите на американската и украинската дипломатија јаделе пица во ресторан во Киев

Франција ќе достави дополнителна воена помош за Украина

Британски министер за одбрана: Лондон му дозволи на Киев да го нападне Крим со нашето оружје