Најмалку 21 лице загина, а едно се води за исчезнато, откако на реката Јангце, во источната кинеска провинција Дјангсу, потона реморкер, соопштија кинеските власти.
Три лица, сите од кинеска националност, се спасени, а спасувачите и натаму трагаат по едно лице.
Реморкерот, во кој се наоѓале 25 лица, во време на несреќата бил на пробна пловидба.
Меѓу настраданите се осум странски државјани – четворица на Сингапур, еден Индонезиец, еден државјанин на Малезија, Индиец и Јапонец.