Кинескиот производител на мобилни апарати Ксиаоми од ден во ден остварува се подобри резултати. Во 2014 година компанијата испорачала повеќе од 61 милион смартфони, со двојно повеќе приходи.
Оваа компанија, која неодамна стана трет најголем производител на паметни телефони во светот, испорача рекордни 227 отсто повеќе апарати отколку во истиот период во 2013 година, иако ги одбегнуваше западните пазари, како што се САД, Велика Британија и Австралија. Оваа година се очекува ширење и во остатокот од светот.
– Веруваме дека сите во светот ќе ги почитуваат можностите за уживање во технолошките иновации. Поради тоа остануваме целосно посветени на развојот на светско ниво, изјави основачот на компанијата, која е стара само четири години, Леи Џун.
Компанијата, исто така, го претстави и својот најнов ентри-левел смартфон Редми 2, кој чини само 110 американски долари.