78-годишната Роза Милетиќ во текот на војната во Хрватска во Горски Котор заробила српски пилот чиј МИГ-21 го урнала хрватската против воздушна одбрана. Пилотот и се јавил после 20 години за да и каже „благодарам“.
Авионот бил урнат во 1991. година, а пилотот се спасил со катапулитање. Но како што се спуштил во шумата, паднал во крошната на некое дрво и ја повредил ногата. Останал и без оружје. Експлозијата ја слушнала и Роза Милетиќ, припадничка на 110. карловачка бригада и жител на селото Каменица. Таа раскажува како сo сета сила истрчала до пилотот и почнала да вика кон хрвтаските војници да престанат да пукаат. Со пилотот разговарала за неговата сопруга и за децата и се сожалила за него, му дала кафе и коњак за да закрепне. Го прашала како може врз нив да фрла бомби, а тој и одговорил дека пукал само на воени објекти.
Кога се одлучило дека пилотот треба да биде ликвидиран, Роза не сакала ни да слушне.
„Реков дека пилотот е мој заробеник и дека нема да дозволам да го убијат. Се сетив на мојот татко кој беше убиен од партизаните“, рече Роза.
„Ме слушаа мене момчињата, никој не го ни чепна. И него некоја мајка го родила. Го приведоа, а после направија размена со него. Мило ми е што се јави по толку многу години., јас никого не мрзам, Господ да му даде здравје“, додаде таа.
Во филмот кој е објавен на Јутјуб пред неколку години баба Роза раскажа како помогнала во запленувањето на непријателкиот тенк, што е и наслов на книгата која е напишана за неа „Жената која заплени непријателски тенк“.