Управата во затворот во Норвешка, блокирала 220 писма на масовниот убиец Андерс Брејвик, со цел да го спречи да создаде мрежа од контакти надвор од затворот.
– Одбивме да ги испратиме неговите писма од безбедносни причини. Ја контролираме неговата комуникација и нема да му дозволиме да создаде мрежа од контакти, која би можела да му овозможи да изврши уште злосторства – изјави за „Франс прес“ портпаролот на затворската управа Илинг Фаест, но одби да зборува за содржината на блокираните писма.
Брејвик кој на 22-ри јули 2011 година уби 77 лица во име на борба против мултикултура и муслиманска инвазија, моментално е на отслужување на затворска казна во траење од 21 година, која може да биде продолжена доколку се процени дека се уште претставува опасност.
Е. Г.