Иако од судирите минаа 15 години и покрај големата меѓународна помош, околу 220.000 раселени вон Косово и околу 17.000 раселени на Косово и понатаму немаат трајни решенија кога се работи за враќање или интеграција, наведува ОБСЕ во извештај.
Бројот на лица кои се враќаат секоја година се намалува, се вели во извештајот.
Косовското Министерство за заедници и враќање презело важни мерки да им се помогне на раселените лица, вклучувајќи и нова Стратегија за заедниците и враќање 2014-2018 и спроведување анкета со цел идентификување на потребите на раселените лица на територијата на Косово во соработка со УНХЦР и Данскиот совт за бегалци.
ОБСЕ наведува дека не постои соработка или координација меѓу институциите на централно и локално ниво и укажуваат на проблемот за нелегално вселување во куќи чии сопственици се раселени лица.