Помеѓу многуте патеписи за разни места во светот, на zemljanarhitektura.com се најде и патепис за Скопје под наслов „Скопје-парада на скулптури и кич“.
Интегрално го пренесуваме впечатокот на екипата што го посети Скопје и нивните импресии од тоа што го забележале.
Хостелот „Shanti” лесно го пронајдовме…ги оставивме работите и тргнавме да го видиме тоа ново Скопје и егзибициите за кои се зборува…
И за жал, беше полошо од тоа што можевме да го замислиме…не знам како изгледал некогаш градот, но сега не личи на ништо..всушност, да бидам искрена, мене ми се чини како некој архитект да му дал на своето дете да игра со играчки во облици на згради (кинески) и детето од тоа направило…
А кога се препуштило на фанатазијата, ги поставило и другите играчки, оловните војници, каубојци, индијанци и се што му дошло при рака..и се направил градот… 
Шок до шок, кич до кич, мост до мост… скулптура до скулптура-сосема непропорционални, излегуваат на секој чекор..од грчката митологија, македонската, и кој знае чија уште…
Во сиот тој кич, барем нешто убаво-една словенска божица…
И еден од ретките преживеани споменици-Камениот мост. Според една верзија изграден во 6 век во времето на Јустинијан први, според другита верзија, за време на Мехмед Втори освојувачот во 15 век.
И потоа враќање во денешницата и најголемиот (ужас)- Александар! А околу него лавови од кои излегува вода, водоскоци и розеви сијалици кои се палат и гасат. Како луна парк, како евтина шега..
Само што помисливме дека видовме се, оддеднаш нова парада на великани…
Оф, еве малку сецесија, да се рехабилитирам…
И една убава модерна за која се надевам дека нема да биде уништена во налетот на лудилото…
Уште една од вкупно двете скулптури кои ни се допаднаа…
И убава зграда…
Само што помисливме дека нема повеќе – се појави Филип! Повторно во друштво на најпознатото домашно животно – лавот, со задолжителните светла, водоскоци…
Додека пред нас танцува лажна опера и смешни скулптури..
А еве го и рецептот-оголуваат стара зграда и ја облекуваат во ново (царското) руво, од гипс и стиропор, како што дознаваме од сигурни извори…Толку е страшно што некои луѓе го напуштија градот, а остатокот од нормалните го избегнуваат овој дел од градот..
Единствениот стар дел (старата скопска чаршија) ја откривме ноќе, а потоа и преку ден. Тоа е најголемата чаршија на Балканот, ако не се рачуна Истанбул. Трговскиот центар од 12 век, во турско време имало 30 џамии, бројни палати и пансиони. Чаршијата претрпела големи штети во земјотресот во 1555 година, во пожарот во 1689 година, двете светски војни, по што неколкупати е реновирана. Големи штети претпрпела и за време на земјотресот во 1963 година.
Иако чаршијата во добар дел е изменета, сепак во неа се чувствува тој дух, тесни улици, продавници, се и сешто…
Црквата Свети Спас изградена е во средината на 16 век, врз темелите на старата, а карактеристична е по тоа што е вкопана до пола во земја, бидејќи отоманската власт не дозволувала црквите да бидат повисоки од џамииите. Тука се наоѓаат и моштите на револуционерот Гоце Делчев…