Потресни фотографии кои сведочат за континуираното измачување и страдање на коњите во Македонија.
Коњ насилно ставен и возен во кола. На прв поглед некому можеби забавна фотографија, но не постои начин на кој би се натерал коњ да влезе во возило, освен присила, тепање и влечење.
За да еден коњ влезе во возило и ја протне главата низ прозорец, применето е насилство. Фотографијата е направена во Прилеп, велат од Анима Мунди.
На друга фотографија се гледа друг коњ сликан пред некоја недела – реакција и апел за помош на паднат изнемоштен коњ, слаб, преслаб, приморуван да носи тежок товар (цигли) тепан, за да стане и продолжи.
Овој коњ не е еден, и неговата судбина е правило, а не исклучок. Прашуваме до кога?