Педесет и осумгодишна жена од Шибеник вчера во храватскиот град Тисин, како на филмска сцена со својот автомобил прелетала преку подвижен мост, кој бил кренат повеќе од два метри и успеала да слета на другиот крај од мостот.
На полицијата и рекла дека поради сонцето не забележала дека мостот започнал да се крева. За среќа таа не е повредена, а ниту автомобилот не претрпел значителна штета.
– Се движеше со брзина од околу 80 километри на час и продолжи да вози се до кафулето каде што сопре. Беше страшно, од силината на ударот сите воздушни перници се отворија и мислам дека нема повредени -вели еден очевидец.
Поради непочитување на сообраќајните прописи жената платила казна од 250 куни.
Е. Г.