Советот за безбедност на Обединетите нации на листата на санкции против Ал Каеда додаде уште 16 лица, вклучувајќи и личност поврзана со групацијата Исламска држава.
Дополнителните имиња се додадени откако СБ ја одобри Резолуцијата врз основа на која на листата можат да се најдат и лица поврзани со оваа сунитска екстремистичка групација, која зазеде поголеми делови од Ирак и Сирија.
На листата се најде и Абд ел Рахман Мухамед Мустафа ел Кадули од Ирак, кој е високо рангиран во хеирархијата на ИД.
Листата опфаќа финансиски санкции, забрана за патување и ембарго на оружје.