Повеќе од една недела во Синџијанг-Ујгурскиот автономен регион во северозападна Кина има поројни дождови што предизвикаа поплави во кои се погодени над 200 илјади лица и има четворица загинати, пренесе агенцијата Ксинхуа.
Според податоци на локалните власти, во зоната на стихијата се наоѓаат 27 населени места. Во побезбедните зони привремено се евакуирани над 3.000 семејства.
Штетите од поплавите веќе надминуваат 44 милиони долари, дополнува кинеската агенција.