Длабоко сум шокиран од веста за чинот на насилство што чинеше животи на три невини луѓе во центарот на Брисел попладнево и во мое лично, но и во име на Европската комисија упатувам изрази на искрено сочувство до семејствата и пријателите на жртвите на овој трагичен криминал.
Оваа порака, денеска, како што јавува дописникот на МИА од Брисел, ја испрати претседателот на Еврокомисијата, Жозе Мануел Баросо, по синоќешниот терористички напад и убиства во еврејскиот музеј во европската и белгиска престолнина.
Баросо, исто така, истакна дека тој и официјален Брисел силно го осудуваат ваквиот ужасен чин, кој според него „се чини дека е во режија на религиозен симбол во срцето на европската престолнина“.
– Ова беше напад на европските вредности што не можеме да го толерираме. Моите искрени мисли и солидарност се со белгиската влада и народот – додаде Баросо.
Вчера, во попладневните часови во Музејот на Евреите во центарот на Брисел, напаѓач кој подоцна беше уапсен, уби тројца, а тешко повреди едно лице.