Европската комисија не бара да престанат протестите, туку органите треба да се остават да ја завршат истрагата за 5-кратното убиство кај Смиљковскито езеро, изјави портпаролот на комисијата, Петар Стано.
Оваа реакција доаѓа, откако пред неколку дена, медиумите во земјава пренесоа дека Европската комисија апелирала протестите да запрат, имајќи предвид дека на нив редовно доаѓа до инциденти.
„Можеби не сум бил јасен, но Комисијата не бара запирање на никакви протести во Македонија, истото го потврди и нашата делегација во Скопје. Ние го поддржуваме правото на сите граѓани за слободно изразување и мирно да реагираат, да бидат мирни и да ги остават органите на законот да ја завршат работата во врска со грозоморното убиство кај Смилковско Езеро.
Секоја од страните треба да направи се’ што е во нивна можност да не се влошуваат меѓуетничките односи во Македонија, што е во интерес на оваа држава и нејзините граѓани. Во тоа треба да учествуваат сите политички лидери и медиумите во Македонија“, изјави портпаролот на комесарот за проширување и соседска политика на Европската комисија, Штефан Филе.