Полскиот премиер Доналд Туск изјави дека Полска, засега, нема да го финансира набавувањето на американско оружје за Украина во рамките на програмата „Листа на приоритетни потреби на Украина“ (PURL), наведувајќи ги како причина високите трошоци за сопствената одбрана.
Оваа програма на САД и НАТО им овозможува на сојузниците во НАТО да купуваат американско оружје за Украина, рече Туск на прес-конференција по неформалниот самит на лидерите на ЕУ во Даблин.
Туск истакна дека го информирал генералниот секретар на НАТО, Марк Руте, оти Полска засега нема да учествува во финансирањето на програмата PURL.
„Му реков на генералниот секретар дека, засега, нема да издвојуваме средства за PURL – програма преку која европските земји плаќаат за американско оружје за Украина – бидејќи веќе трошиме огромни суми за вооружување на сопствените сили.
Обезбедивме, и продолжуваме да обезбедуваме, значителна помош за Украина. Се соочуваме со голем буџетски дефицит и издвојуваме значителни ресурси за одбраната. Затоа, објаснив дека, со оглед на нашата финансиска состојба, Полска нема да придонесе со дополнителни средства, бидејќи имаме сопствени трошоци поврзани со безбедноста, кои веројатно се меѓу највисоките во Европа“, појасни Туск.