Полицијата приведе 38-годишен маж од Македонски Брод постапувајќи по пријава дека вчера околу 10 часот предизвикал пожар во село Брезница.
– Полициски службеници го уапсија М.Т.(38) од Македонски Брод, постапувајќи по пријава дека на 5.9.2026 околу 10 часот предизвикал пожар во с.Брезница, Македонски Брод, така што од искрење на бензински тример за косење, во близина на неговата куќа во с.Брезница, настанал пожар кој се проширил кон соседните имоти – соопшти МВР.
Повредени лица нема, а пожарот е изгаснат од екипа од ЈП „Национални шуми“ и локалното население. По документирање на настанот ќе следува соодветна пријава.