МВР информира дека вчера попладне во 18.00 часот на Граничен премин „Табановце“, на влез во државата, полициски службеници го лишија од слобода П.Р.(62) од Австрија.
Како што информираат, при гранична контрола и преглед на возило кампер „фиат“ со приколка со австриски национални ознаки, кое го управувал, биле пронајдени и одземени еден гасен пиштол, еден револвер, пакување со 90 дијаболи и пакување со 22 иницијативни каписли.
За настанот е запознаен јавен обвинител, а лицето е предадено на полициски службеници од СВР Куманово.
По целосно документирање на случајот ќе биде поднесена соодветна пријава.
