САД денес воведоа нови санкции врз Куба, насочени кон девет субјекти и три поединци за наводни активности против американските интереси.
Санкциите се насочени кон раководството на Кубанскиот институт за пријателство со народите (ICAP) и девет кубански субјекти, вклучувајќи го и кубанското Министерство за градежништво, поради нивната поддршка на владата на земјата, објави Ројтерс.
Државниот секретар на САД, Марко Рубио, изјави дека санкциите против ICAP се воведени поради наводно организирање „огромна субверзивна мрежа во САД“ со цел пронаоѓање, регрутирање и радикализирање на поддржувачи, главно под маската на образовни или културни размени.