Најмалку 132 лица загинаа во Колумбија по еден од најсилните земјотреси што ја погодија земјата во последните години. Властите прогласија состојба на национална катастрофа, додека спасувачките екипи продолжуваат да трагаат по луѓе кои заробени под урнатините. Се стравува дека бројот на жртви може дополнително да расте.
CONTINÚA LA LABOR DE RESCATE EN CHOCÓ, EL EPICENTRO DEL SISMO OCURRIDO HOY EN COLOMBIA#Atención #Chocó #Colombia El general Royer Gómez, comandante del Ejército, está en Chocó coordinando con la Gobernación y los organismos del Sistema Nacional de Gestión del Riesgo la atención…
— @ComunicanteRadar (@Comunicant1397) August 11, 2026
Според податоците на колумбиската геолошка служба, земјотресот со магнитуда од 7,4 степени се случи во понеделникот во 7:34 часот по локално време, на длабочина од 103 километри, во областа Чоко. Силното тресење било почувствувано на големо подрачје во западниот дел на Колумбија.
Најголем број жртви се регистрирани во Переира, град познат по регионот за производство на кафе. Загинати и повредени има и во околните градови, како и во областа Вале дел Каука. Според Колумбиското здружение на главни градови, повеќе од 480 лица се повредени.
Епицентарот бил лоциран во близина на селото Сан Хозе дел Палмар во областа Чоко. Градоначалникот Леон Фабио Марин Монкада изјавил дека во самото село нема загинати или повредени, но пристапните патишта се оштетени.
Qué video tan duro, apenas iban saliendo de su edificio por el temblor en Colombia y de inmediato se les vino parte del techo encima 😞 pic.twitter.com/l9nNeAJ8EB
— Rhevolver (@Rhevolver) August 10, 2026
Переира, кој се наоѓа на околу 55 километри од епицентарот, претрпе сериозни оштетувања. На снимките од централниот плоштад Плаза Боливар се гледа дека најмалку една зграда се урнала.
Плоштадот, каде што во моментот на земјотресот имало голем број луѓе, бил прекриен со прашина и градежен материјал. Локалните власти потврдија најмалку 40 жртви на поширокото подрачје на градот, каде што се урнале 65 објекти.
Спасувачите се сомневаат дека во 15 од урнатите објекти сè уште има заробени лица.
Во Кали, град оддалечен околу 200 километри од епицентарот, се урнале 32 згради.
Жртви се регистрирани и во Манизалес, Кибдо и Меделин. Во Манизалес загинале најмалку две лица.
Колумбиските власти потврдија дека се оштетени регионалните аеродроми во Переира, Манизалес, Кибдо, Арменија, Картаго и Буенавентура.
Земјотресот бил почувствуван и во главниот град Богота, каде што се треселе дрвја и семафори. Пријавени се пукнатини на некои објекти, но засега нема информации за поголема инфраструктурна штета.
Тресење било почувствувано и во соседните држави Венецуела, Еквадор и Панама.
Strong #Earthquake in Pereira 🇨🇴 — footage from the airport shows just how intense and prolonged the shaking was. 😟✈️#Pereira #Airport #Colombia #Temblor #EarthquakeAftermath pic.twitter.com/9SMPytXwTU
— Mahrosh Pervaiz (@MahroshPervaiz1) August 10, 2026
Колумбискиот претседател Абелардо де ла Есприела прогласи состојба на национална катастрофа, со што доби дополнителни овластувања за справување со последиците, вклучително и прераспределба на буџетски средства.
Претседателот соопшти дека се оштетени повеќе од 1.500 домови.
Помош за Колумбија понудија и повеќе странски држави. Американскиот државен секретар Марко Рубио изјави дека САД ја следат ситуацијата и се подготвени да помогнат.
Претседателката на Европската комисија Урсула фон дер Лајен соопшти дека сателитскиот систем „Коперникус“ е активиран за да помогне во спасувачките операции.
И претседателот на Ел Салвадор, Наиб Букеле, изрази солидарност со колумбискиот народ и понуди спасувачки тимови и опрема.
Американскиот геолошки институт (USGS) проценува дека земјотресот, со интензитет близу седум степени, го почувствувале околу 1,5 милиони луѓе.
Од USGS објаснуваат дека длабоките земјотреси, каков што бил овој, генерално се помалку опасни од плитките, но и тие можат да предизвикаат сериозни оштетувања. Можно е да следуваат и дополнителни, поретки, но силни последователни потреси.