Дрво падна врз капачи на плажата покрај шеталиштето на Штросмаер во Цриквеницa. Според првите достапни информации, дрвото било „откорнато“ од земјата и паднало на дел од плажата каде што се наоѓале капачи, објавува Crikva.hr.
На местото на настанот пристигнале служби за итна помош, а местото на падот веднаш било блокирано.
Според неофицијални информации, повредени се двајца возрасни и две деца, кои се надвор од животна опасност и се пренесени во Риечкиот болнички центар. На местото на настанот им е укажана помош на неколку лица со полесни повреди.
Сè уште се чекаат официјални информации за повредите, како и за причините за падот на дрвото.
