Најмалку десет лица, меѓу кои и пет малолетници, загинаа во пожар што зафати две куќи во сиромашна населба во Лима, соопшти перуанската полиција.
„Градски пожар избувна во Лима во зори, при што загинаа десет лица, двајца останаа без покрив над главата, а два стана станаа непогодни за живеење“, соопшти Националниот институт за цивилна одбрана на Перу на социјалните медиуми, според „Ле Фигаро“.
Началникот на полицијата Оскар Ариола изјави дека меѓу загинатите има „девет членови на исто семејство, од кои петмина биле малолетници“.
„Спроведуваме истрага со кривични експерти за да ја утврдиме локацијата, околностите и причините за овој пожар“, рече Ариола.
Перуанските медиуми објавија дека пожарот наводно е предизвикан од напад на изнудувачи кои му се заканиле на бизнис за изнајмување електрични мотоцикли во соседството.