Четири лица загинаа во напад со украински беспилотни летала на полуостровот Керч во Крим, изјави денес кримскиот гувернер Сергеј Аксјонов.
„Како резултат на нападот од непријателски беспилотни летала, за жал, има цивилни жртви. Четири лица загинаа, а 28 се повредени“, рече Аксјонов во објава на Телеграм, објави РИА Новости.
Според оперативната група на Краснодарската територија, едно од беспилотните летала го погодило фериботот „Панагија“ на преминот низ Керчкиот теснец во округот Темрјук, а по нападот избувнал пожар на нафтениот терминал во селото Чушка.