Рускиот претседател Владимир Путин денес потпиша закон со кој се овластува користење на руската војска за заштита на руските граѓани во случај на нивно апсење, кривично гонење или други постапки од страна на судови во други земји.
Според новиот закон, рускиот претседател ќе може да командува со единици на руските вооружени сили за заштита на руските граѓани од кривично гонење од страна на странски и меѓународни судови, на кои им е доделена надлежност без учество на Русија, пренесува ТАСС.
Законот предвидува дека, по дискреционо право на претседателот, владините агенции ќе можат да преземат мерки за заштита на руските граѓани во случај на нивно апсење, кривично гонење или други кривични постапки од страна на странски судови.