Рускиот претседател Владимир Путин денес изјави дека Русија била и останува неразделен дел од глобалниот економски систем и нагласи дека Москва е подготвена за меѓународна соработка.
– Отворени сме за конструктивна соработка со сите партнери кои ги делат принципите на меѓусебно почитување и се подготвени да градат искрени и долгорочни односи, рече Путин во порака до учесниците, организаторите и гостите на 29-от Меѓународен економски форум во Санкт Петербург, пренесува „Спутник“.
Тој нагласи дека денес, кога меѓународните односи и економските врски се соочуваат со невидени предизвици, фрагментација и нарушување на логистичките и технолошките синџири, прагматизмот и рамноправниот дијалог се неопходни.