Илјадници Кубанци се собраа денес пред амбасадата на САД во Хавана, на провладин протест организиран поради одлуката на САД да го обвинат поранешниот кубански претседател Раул Кастро, за соборување на два цивилни авиони пред 30 години.
Учесниците во провладиниот протест мавтаа со знамиња за време на речиси едночасовниот митинг, скандирајќи „да живее Раул“ и „татковина или смрт“, објави Ројтерс.
🇨🇺 Tens of thousands of Cubans took to the streets of Havana to show support for the Cuban leader Raúl Castro. Cubans are rejecting the US accusations against former president, and US threats and hostilities against the Caribbean nation. pic.twitter.com/v9bHnClfDI
— Peoples Dispatch (@peoplesdispatch) May 22, 2026
На митингот присуствуваа кубанскиот претседател Мигел Дијаз Канел и премиерот Мануел Мареро, како и неколку членови на семејството на Кастро, вклучувајќи ја ќерката Мариела Кастро, синот Алехандро Кастро и внукот Раул Родригез Кастро.
Родригез Кастро, познат на Куба како „Раулито“ или „Ел Кангрехо“ (Ракот), често служи како телохранител на својот дедо, а минатата недела се сретна со директорот на американската Централна разузнавачка агенција (ЦИА) Џон Ратклиф за време на неговата посета на Хавана.
Мариела Кастро им изјави на кубанските државни медиуми по протестот дека нејзиниот татко е добро и дека тој секогаш велел „нема да ме фатат жив, туку ќе ме фатат само во борба“.
Куба соопшти дека обвинението на САД против Раул Кастро за убиство се базира на „лажни“ обвинувања дизајнирани да изговорат инвазија, бидејќи администрацијата на американскиот претседател Доналд Трамп се стреми да ја собори владата на островот, кој е во непосредна близина на САД.