Иранскиот корпус на Револуционерната гарда (ИРГЦ) објави снимка од запленувањето на товарниот брод MSC Epaminondas, кој беше пресретнат вчера во Ормускиот теснец, дополнително зголемувајќи ги тензиите во регионот.
Видео објавено од ИРГЦ ги прикажува нивните сили како се приближуваат кон трговскиот брод и ја преземаат контролата врз бродот. Тоа е еден од двата брода запленети од Иран за време на вчерашните инциденти во теснецот.
Според иранската новинска агенција Фарс, која е блиска до Револуционерната гарда, три трговски брода биле нападнати во текот на неколку часа. првиот брод бил погоден и се насукал покрај брегот на Иран, додека „MSC Francesca“ и „Epaminondas“ биле запленети и пренасочени кон иранскиот брег.
The Islamic Revolutionary Guards Corps (IRGC) has released footage of the IRGC-N seizure of the two cargo vessels, the MSC Francesca and the Epaminondas, in the Strait of Hormuz earlier today. Per the White House press secretary, U.S. President Donald J. Trump does not consider… pic.twitter.com/p3z0n2sFz6
— OSINTdefender (@sentdefender) April 22, 2026
Поморската разузнавачка компанија „Vanguard“ наведува дека еден од бродовите бил нападнат на околу шест наутички милји од иранскиот брег, по што му било наредено да се спушти сидро, а пријавени се и оштетувања на трупот и просторите за сместување. Британската агенција UKMTO претходно објави дека врз „Еуфорија“ бил отворен оган западно од Иран, но екипажот не бил повреден.
Иранските медиуми, повикувајќи се на морнарицата на ИРГК, тврдат дека запленетите бродови „работеле без потребните дозволи“ и „ја загрозиле поморската безбедност“. Белата куќа објави дека американскиот претседател Доналд Трамп не ги смета овие потези за кршење на прекинот на огнот, и покрај продолжувањето на американската блокада на бродовите што пловат кон иранските пристаништа.
На запленетиот брод MSC Francesca има и четворица црногорски морнари, потврди министерот за поморски работи, Филип Радуловиќ. Тој изјави дека сите членови на екипажот се безбедни и дека преговорите се во тек меѓу бродската компанија и иранската страна.
Видеото објавено од ИРГЦ ги прикажува нивните сили како се приближуваат кон трговски брод и ја преземаат контролата врз бродот. Тоа е еден од двата брода запленети од Иран за време на вчерашните инциденти во теснецот.