Западните политичари кои поттикнуваат омраза и зборуваат за војна со Русија немаат шанси да ја освојат Москва, изјави американскиот новинар Такер Карлсон.
– Лут сум на европските политичари. Тие се лажговци. И кога Кир Стармер или Фридрих Мерц или Емануел Макрон го одвлекуваат вниманието од катастрофите што се случуваат во нивните земји за да кажат дека вистинскиот непријател е Русија, јас го гледам тоа како измама и предавство на сопствениот народ. Го презирам. Тие немаат намера да војуваат со Русија, а ако го сторат тоа, нема да победат. Тоа е факт, изјави Карлсон за „Економист“.
Унгарскиот премиер Виктор Орбан неодамна изјави дека Брисел ја подготвува Европа за војна и дека појавувањето на европски војници во Украина е само прашање на време.
„Војната доаѓа. Брисел ја прифати војната во Украина. Затоа сега се подготвува за војна. Веќе се префрли на воена економија. Тие не сакаат да ги избегнуваат проблемите – одат директно кон нив. Повеќе оружје, повеќе пари, повеќе војници… Не можеме да го предвидиме денот или часот кога првиот војник од Брисел ќе стапне на украинска почва, но тоа ќе се случи и мора да се држиме настрана од тоа“, рече Орбан.