Претседателот на иранскиот парламент, Мохамед Бакер Калибаф, денес го предупреди американскиот претседател Доналд Трамп да не донесува одлуки врз основа на лажни информации, нагласувајќи дека Иран никогаш не барал, не бара и никогаш нема да бара нуклеарно оружје.
Тој реагираше на изјавите на Трамп за нуклеарното оружје на Иран на состанокот со економски активисти во иранскиот парламент и потсети дека неодамна му рекол на Трамп да не прави погрешни анализи врз основа на лажни информации, а потоа и погрешни одлуки, објави Иран Прес ТВ.
Според него, Иран „никогаш не барал, не бара и никогаш нема да бара нуклеарно оружје“ и додаде дека и покрај овие гаранции, САД продолжуваат да се закануваат.