Филипче: Мицкоски политиката ја сведе на таблоид, со лажни афери ги прикриваат грабежот и неспособноста

Од:

На денешната прес-конференција, претседателот на СДСМ, Венко Филипче, коментираше дека премиерот Мицкоски ја свел политиката во земјата на ниво на таблоидски објави. Според Филипче, наместо конкретни решенија за економските и социјалните проблеми, се објавуваат изјави и афери кои, како што рече, го одвлекуваат вниманието од суштинските прашања.

– Ќе објават една лажна вест за зграда во Дубаи, а во позадина ќе протуркаат Декрет во Собранието. Целото внимание намерно се насочува кон нешто измислено.Ќе објавуваат нова измислица освен зградата од 42 ката во Дубаи, некое патување во Дубаи преку Венеција., а во позадина се протнува Закон за странци како вовед во носењето на мигранти, односно „економски работници“. Објавуваат лага на Жан Митрев на Алфта ТВ, нов фабрикуван случај „рекет“ а под маса си делат тендери. 161 тендер за една фирма, 51 тендер за фирма преку општините, 1,2 милиони евра тендери преку пошта, 9 милиони евра тендери за фирма со двајца вработени. Во следните денови следат нови бомби, нашиот АКТ тим работи врз основа на информации коишто се аплицираат на нашата антикорупциска платформа. Огромен број од информациите доаѓаат од членови на ВМРО-ДПМНЕ. Ниту една институција досега нема преземено ништо за ниту еден од овие скандали, рече Филипче.

Тој посочи дека владата во декември најавила дупка во буџетот, што беше потврдено со ново задолжување преку еврообврзница. Според Филипче, недостасуваат уште средства во буџетот, а нема јасни одговори за минималната плата и економската состојба.

Филипче исто така коментираше дека се носат законски решенија за увоз на „економски работници“ и дека јавноста треба да обрне внимание на информациите од различни извори. Тој нагласи дека СДСМ ќе продолжи да ја следи состојбата и да ги објавува податоците од своите антикорупциски активности.

„Кога ќе прочитате текст од кујните на ВМРО, Вие, почитувани граѓани треба да знаете дека се случува уште една пљачка зад вашиот грб. Прават дефокус за вие тоа да не го видите. Планот е едноставен: изолација, избори, па мигранти за пари. Но, разоткриени се и ова нема да помине. Секој нивни чекор го знаеме однапред“, рече Филипче.

На прес-конференцијата, претседателот на СДСМ, Филипче потенцираше дека премиерот Мицкоски политиката во земјата ја сведел на ниво на таблоид.

„Наместо решенија и одговори за проблемите со кои граѓаните се соочуваат, сведоци сме на празни изјави на премиерот на ниво на жолт печат, без суштина, без реална политика. Ова не е политика, туку дефокус. Дефокус од катастрофалната состојба во земјата, од реалноста и од проблемите , а тоа е примарна цел на тендер коалицијата ВМРО-ЗНАМ. Додека течат криминални тендери зад грбот на народот му се сервираат измислени афери, црни кампањи, јавен линч врз опозицијата“, нагласи Филипче.

Според Филипче, целта е да се обезбеди политиката да биде во интерес на граѓаните и нивниот стандард, како и да се следи работењето на институциите.

Би можело да ве интересира

Филипче на Конференција за проширувањето на ЕУ во Унгарија

ВМРО-ДПМНЕ: Филипче и СДС молчеа во 2023 година за Алта банка, глумеа итност, но по 10 дена ја свикаа првата надзорна седница

СДСМ: Мицкоски и Кочоска најавуваат задолжување од 2 милијарди евра во 2027 година

А1он

За закана кон Мицкоски притвор, за претепувањето на Сара не – Левица обвинува за селективност на институциите

Катерина Ѓуровски

Филипче: Во Буџетот нема пари за зголемување на платите – нема развој, само долгови и камати

ВМРО-ДПМНЕ бара одговорност од Обвинителството за пуштањето на осомничениот за нападот врз Сара