НАТО треба да се координира и да се обедини околу Гренланд, а не да се дели, изјави италијанскиот министер за одбрана Гвидо Кросето, како одговор на заканите на американскиот претседател Доналд Трамп за заземање на Гренланд, објави Анса.
Франција, Германија, Норвешка и Шведска испратија војници на арктичката територија за да ги одвратат заканите на американскиот претседател, а имаше и сугестии дека Италија би можела да им се придружи, соопшти агенцијата.
„Што прават сто, двесте или триста војници од која било националност? Тоа звучи како почеток на шега“, рече Кросето.