Најголемиот аеродром во Данска, Копенхаген, го прекина целиот сообраќај откако беа забележани дронови во областа, потврди полицијата.
По полноќ, аеродромот во Осло, главниот град на Норвешка, беше затворен од истата причина. Дронови беа забележани и над центарот на Осло. Двајца сингапурски државјани се уапсени и истрагата е во тек.
„Воздушниот простор над аеродромот во Осло е затворен поради нов извештај за дрон“, изјави Моника Фастинг, раководител на комуникациите на аеродромот во Осло, за VG.
🚨 BREAKING
Copenhagen's airspace has been shut down due to several large drones detected near the city's airport.
Two or three drones have been observed flying in the vicinity of Copenhagen Airport, according to Danish police. pic.twitter.com/y9wRJWPaHp
— American Press 🗽 (@americanspress) September 22, 2025
Според FlightRadar, повеќе авиони кружеа над Осло и Гардермоен. Ова го потврди и Фастинг.
Аеродромот во Копенхаген беше повторно отворен околу 00:30 часот, откако беше затворен со часови. Во текот на вечерта беше пријавено големо полициско присуство во областа на аеродромот, познат и како Каструп. Полицијата им потврди на новинарите дека авионите не можеле да полетуваат или слетуваат поради беспилотни летала во областа.
Според FlightRadar, сообраќајот беше прекинат во 20:26 часот по локално време, а најмалку 15 летови беа пренасочени кон други аеродроми. Многу летови беа одложени.