Изет Меџити – првиот вицепремиер и кандидат за градоначалник на општина Чаир денеска побара од неговиот противкандидат Бујар Османи да одговори дали е вистина дека најмалку двапати бил во Будимпешта на директна посета кај Никола Груевски.
Меџити најави дека откако Османи ќе одговори на ова прашање, ќе каже кога било и како било.
„Ќе поставам прашање – дали е вистина дека најмалку двапати бил во директна посета кај Груевски, ќе почекам да видам како ќе одговори, па потоа ќе му кажеме кога било и како било“ – изјави денеска Меџити.