Пентагон разгледува план за испраќање војници на Националната гарда и војници на активна должност во Чикаго за да помогнат во спречувањето на зголемениот криминал и справувањето со растечкиот број бездомници и нелегални имигранти, објавува „Вашингтон пост“.
Според весникот, опцијата е да се мобилизираат најмалку неколку илјади војници на Националната гарда, додека како алтернатива се споменува и распоредување на редовни трупи. Исто така, се нагласува дека овој модел, доколку се покаже како успешен, би можел подоцна да се примени и во други поголеми американски градови.
Идејата за поголемо воено вклучување во внатрешните работи се појави откако американскиот претседател Доналд Трамп изјави дека нелегалните имигранти и бездомниците ќе „исчезнат“ од улиците на Вашингтон. Неколку дена подоцна, Пентагон веќе испрати околу 800 војници на Националната гарда во главниот град на САД за да ѝ помогнат на полицијата во борбата против криминалот.