(ВИДЕО) Трамп: Зеленски не треба да ја таргетира Москва

Од:

Американскиот претседател Доналд Трамп изјави дека украинскиот претседател Володимир Зеленски не треба да наредува напади врз Москва, и покрај најавата дека Украина ќе добие нови пратки западно оружје и сè поострата реторика кон Русија.

Изјавата на Трамп доаѓа откако „Фајненшл тајмс“ објави дека американскиот претседател неодамна го прашал Зеленски дали Украина планира да ја таргетира Москва доколку САД испорачаат оружје со долг дострел. Иако Белата куќа не ги коментираше наводите на британскиот весник, Трамп денес им стави до знаење на новинарите дека не го поддржува таков потег.

Во разговор со новинарите пред да ја напушти Белата куќа, Трамп го коментираше и својот ултиматум до Русија, според кој Москва има 50 дена да се согласи на прекин на огнот во Украина, во спротивно ќе се соочи со високи царини.

„Ќе видиме што ќе се случи со претседателот Путин“, рече Трамп.

На прашањето дали сега е на страната на Украина, Трамп одговори: „Не сум на ничија страна. Јас сум на страната на човештвото“.

Тој додаде дека сака да го запре убивањето: „Сакам да го запрем масакрот на илјадници луѓе неделно“, рече Трамп.

Би можело да ве интересира

ВИДЕО: Путин пристигна кај Си Џинпинг

Зеленски: Додека траат подготовки за состанокот меѓу Русија и Украина, Москва го користи времето за нови напади

А1он

Путин: Русија и Кина заедно против санкциите што ја попречуваат глобалната трговија

А1он

Зеленски му постави ултиматум на Путин

Москва: Путин може да има средба со украинскиот претседател Зеленски

Трамп бара Џорџ Сорос и син му да бидат гонети според законите против мафијата

Горан Наумовски