Израелската војска (ИДФ) објави дека командантот на локална ракетна единица на Хезболах е убиен во напад врз Либан.
Според ИДФ, во нападот во близина на Деир ез-Захранија е убиен Мухамед Али Џамул, командантот на ракетната единица на Хезболах во областа на замокот Бофорт, објави „Тајмс оф Израел“.
ИДФ тврди дека Џамул извршил бројни ракетни напади врз Израел за време на војната и неодамна бил вклучен во обид за обнова на инфраструктурата на Хезболах во областа.
Неговите постапки „претставуваат јасно кршење на договорот меѓу Израел и Либан“, додаде војската.
