Украинскиот претседател Володимир Зеленски утрово изјави, повикувајќи се на извештај на Врховниот командант на украинската армија, Александар Сирски, дека руските сили се обиделе да користат воздушни напади како покритие за зголемени копнени напади, но дека овие напади биле одбиени.
– Всушност, Русите се обидоа да извршат копнени напади под закрила на нивните масовни воздушни напади, рече Зеленски, објави Ројтерс.
Зеленски рече дека додека украинските сили се концентрирале на одбрана од ракети и беспилотни летала, Русите започнале засилени копнени напади, но биле одбиени.