Повеќе од еден тон кокаин е запленет во североисточниот дел на Колумбија. Дрогата требало да биде префрелна преку Карипско Море во централна Америка, соопшти деенска колумбиската полиција.
Операцијата била спроведена за време на викендот во област на границата со Венецуела, во соработка со американската Агенција за борба против дрогата (ДЕА).
Кокаинот бил откриен во камион, а возачите откако отвориле оган врз полицијата, избегале. Според првичните резултати кокаинот припаѓал на бандата Лос Растројос, една од главните криминални организации во Колумбија, составена од поранешни припадници на паравоени формации.