Фудбалерите на Гранада остварија победа на последниот натпревар од 7. коло во Шпанското фудбалско првенство. Тие синоќа пред своите навивачи го совладаа Атлетик Билбао со 2:0.
По слабото прво полувреме без посериозни шанси, головите беа постигнати во вториот дел. Гранада поведе во 53-та минута од пенал преку Јусуф Ел Араби, а истиот фудбалер осум минути подоцна реализираше за конечните 2:0.
Гранада по четирите натпревари без победа се искачи на 12. место со 8 бодови, додека Атлетик Билбао остана на 5. место со 12 бода, зад Барселона (21 бод), Атлетико Мадрид (21), Реал Мадрид 16, Виљареал 14.