Либанската милитантна група Хезболах денеска објави дека лансирала „голем ракетен бараж“ северно од градот Хаифа во Израел, еден ден по првиот напад на Хезболах врз воена база во близина на Хаифа. Повредени се најмалку 10 лица.
Израелската полиција соопшти дека во вчерашниот напад биле оштетени неколку згради и дека се добиени неколку пријави за полесни повреди кои биле пренесени во блиската болница.
Во меѓувреме, израелската војска (ИДФ) соопшти дека воени авиони нападнале цели на разузнавачкиот штаб на Хезболах во Бејрут, вклучително и инфраструктура за собирање разузнавачки информации, команда и други објекти, пренесува Ројтерс.