Иранскиот министер за надворешни работи Сејед Абас Арагчи објави фотографија со сирискиот претседател Башар ал Асад по, како што рече, дискусијата за регионални прашања.
Заедно со фотографијата, тој испрати и нова предупредувачка порака до Израел:
„Беше нагласено дека Иран ќе застане со „Отпорот“ во секоја ситуација. Исто така беше јасно дека одговорот на каква било агресија од страна на израелскиот режим ќе биде посилен и тие може да ја стават нашата решителност во искушение“, напиша Абас Арагчи на мрежата X.
Timely talks with President Assad, PM & FM on bilateral & regional issues.
Highlighted that Iran will stand with Resistance in any situation.
Also made clear that response to any aggression by Israeli regime will be stronger-and they can put our determination to the test. pic.twitter.com/QI4xNnwGji
— Seyed Abbas Araghchi (@araghchi) October 5, 2024
Иранскиот министер за надворешни работи пред посетата на Сирија го посети главниот град на Либан, Бејрут, кој деновиве е жестоко бомбардиран од израелските сили.
Иран се вклучи во регионалниот конфликт откако пред неколку дена ИДФ со пешадија влезе во Либан.
Во вторникот вечерта Иран изврши ракетни напади на територијата на Израел. Израелскиот премиер Бенјамин Нетанјаху тогаш изјави дека тоа е голема грешка и дека ќе следи „жесток одговор“.