Обилни врнежи вчераутро го поплавија Кан, град на француската ривиера познат по филмскиот фестивал.
Огромни порои се спуштаа по патиштата, носејќи возила зад себе. Никој не загина, за разлика од катастрофалните поплави во југоисточниот дел на Франција пред девет години кога загинаа 19 лица, а десетици илјади останаа без струја.
In France, the streets of Cannes turned into rivers this morning following torrential rain 🌊👀pic.twitter.com/spe4KfdHL3
— Volcaholic 🌋 (@volcaholic1) September 23, 2024
Ситуацијата се стабилизираше во текот на вчерашниот ден, а невремето продолжи да се движи кон исток, соопшти портпаролот на градското собрание.
Градоначалникот Дејвид Лиснард изјави за BFM TV дека ќе побара објаснување од другите власти бидејќи градот го добил предупредувањето само еден час по почетокот на бурата. Тој потврди дека многу брзо е формиран кризен штаб и дека итните служби ја санирале штетата на терен, пренесува Ројтерс.
Cannes, south of France, this morning, home of the iconic film festival. Ive run out of words to adequately express how badly the media continues to fail us pic.twitter.com/21t5WJBmen
— Matthew Todd 🌏🔥 (@MrMatthewTodd) September 23, 2024
Поплавите предизвикаа големи проблеми низ Европа во последните недели. Најмалку 17 лица загинаа во Романија, Полска, Чешка и Австрија во најтешките поплави што ја погодија централна Европа во последните две децении.